ചിരി മാഞ്ഞു, റോബോ ശങ്കർ വിട പറഞ്ഞു
ചെന്നൈ 'പ്രശസ്ത തമിഴ് ഹാസ്യ താരം റോബോ ശങ്കർ (46) വിടപറഞ്ഞു. മഞ്ഞപ്പിത്തം ബാധിച്ച് ചെന്നൈയിലെ സ്വകാര്യ ആശുപത്രിയിൽ ചികിത്സയിലിരിക്കെയാണ് അദ്ദേഹം അന്തരിച്ചത്. ഭാര്യ പ്രിയങ്കയ്‌ക്കൊപ്പം ദമ്പതികളുടെ ടെലിവിഷൻ ഷോയുടെ ഷൂട്ടിംഗിനിടെയാണ് അദ്ദേഹം ബോധരഹിതനായി വീണത്. ഉടൻ തന്നെ ചെന്നൈയിലെ പെരുങ്കുടിയിലുള്ള ഒരു സ്വകാര്യ ആശുപത്രിയിൽ പ്രവേശിപ്പിച്ചു, വെന്റിലേറ്ററിന്റെ സഹായത്തോടെ ജീവൻ രക്ഷിക്കാനുള്ള ചികിത്സ നൽകുന്നതിനിടെ ആയിരുന്നു അന്ത്യം.
അദ്ദേഹത്തിന്റെ വിയോഗവാർത്ത കേട്ട് സിനിമാലോകം ഞെട്ടലിലാണ്. കലക്ക പോവടു യാരു, അതു ഇത് യെത് തുടങ്ങിയ ജനപ്രിയ ടെലിവിഷൻ ഷോകളിലൂടെയാണ് റോബോ ശങ്കർ ആദ്യമായി പ്രശസ്തിയിലേക്ക് ഉയർന്നത്. 2007 ൽ ജയം രവി നായകനായ ദീപാവലി എന്ന ചിത്രത്തിലൂടെയാണ് വെള്ളിത്തിരയിൽ അരങ്ങേറ്റം കുറിച്ചത്.അതിനുശേഷം അദ്ദേഹം വെള്ളിത്തിരയിലും മികവ് പുലർത്തി. വിജയ്‌ക്കൊപ്പം പുലി, അജിത്തിനൊപ്പം വിശ്വാസം, ധനുഷിന്റെ മാരി തുടങ്ങി നിരവധി ചിത്രങ്ങളിൽ അദ്ദേഹം അഭിനയിച്ചിട്ടുണ്ട്.തന്റെ ട്രേഡ്‌മാർക്ക് ശരീരഭാഷ, നർമ്മം നിറഞ്ഞ വൺ-ലൈനറുകൾ, മികച്ച കോമിക് ടൈമിംഗ് എന്നിവയിലൂടെ, തമിഴ് വിനോദ മേഖലയിലെ ഏറ്റവും പ്രിയപ്പെട്ട ഹാസ്യനടന്മാരിൽ ഒരാളായി ശങ്കർ മാറിയിരുന്നു.
Comments
Post a Comment