വിവിധ ആവശ്യങ്ങൾ ഉന്നയിച്ച് സഹകരണ പെൻഷൻകാർ നിയമസഭയിലേക്ക് മാർച്ച് നടത്തും
കണ്ണൂർ :സംസ്ഥാനത്തെ സഹകരണ പെൻഷൻകാർ വിവിധ ആവശ്യങ്ങൾ ഉന്നയിച്ചുകൊണ്ട് സെപ്റ്റംബർ 30 ന് കേരള കോ-ഓപ്പറേറ്റീവ് സർവ്വീസ് പെൻഷനേഴ്സ് അസോസിയേഷൻ്റെ നേത്യത്വത്തിൽ നിയമസഭയിലേക്ക് മാർച്ച് ചെയ്യുമെന്ന് ഭാരവാഹികൾ പ്രസ് ക്ലമ്പിൽ അറിയിച്ചു. കേരളത്തിലെ സഹകരണ മേഖലയെ പ്രത്യേകിച്ച് പ്രാഥമിക സഹകരണ സ്ഥാപനങ്ങളെ ഇന്നത്തെ നിലയിലേയ്ക്ക് കൈപിടിച്ചുയർത്തുവാൻ പ്രവർത്തിച്ചവരാണ് സഹകരണ പെൻഷൻകാർ. സഹകരണ പെൻഷൻകാർക്ക് 10% കലാമാശ്വാസം അനുവദിക്കുക, പെൻഷൻ പരിഷ്‌കരണത്തിൻ്റെ ഭാഗമായി 15% ഇടക്കാലാശ്വാസം അനുവദിക്കുക, മിനിമം, മാക്സസിമം പെൻഷൻ വർദ്ധിപ്പിക്കുക, മെഡിക്കൽ ഇൻഷുറൻസ് നടപ്പിലാക്കുക തുടങ്ങിയ ആവശ്യങ്ങൾ ഉന്നയിച്ചാണ് മാർച്ച് നടത്തുന്നത്.വാർത്താ സമ്മേളനത്തിൽ സംസ്ഥാന സെക്രട്ടറി എൻ.വി.അജയകുമാർ,ജില്ലാ സെക്രട്ടറി കെ.പി.പ്രഭാകരൻ,
ജില്ലാ പ്രസിഡണ്ട് മണ്ണയാട് ബാലകൃഷ്ണൻ, സി.വി.കുഞ്ഞികൃഷ്ണൻ, എ.പി.ജനാർദ്ദനൻ പങ്കെടുത്തു.
Comments
Post a Comment