പിൻമാറില്ല, പാക് വീണ്ടും കളത്തിൽ
ദുബായ് :ഏഷ്യാ കപ്പ് ബഹിഷ്കരിക്കുമെന്ന ഭീഷണിയിൽ നിന്ന് പാകിസ്ഥാൻ പിന്മാറി. സെപ്റ്റംബർ 17 ബുധനാഴ്ച ഗ്രൂപ്പ് എയിലെ അവസാന മത്സരത്തിൽ അവർ യുഎഇയെ നേരിടും. മാച്ച് റഫറി ആൻഡി പൈക്രോഫ്റ്റിനെ എട്ട് ടീം ടൂർണമെന്റിൽ നിന്ന് ഒഴിവാക്കണമെന്ന അവരുടെ ആവശ്യം ഇൻ്റർനാഷണൽ ക്രിക്കറ്റ് കൗൺസിൽ (ഐസിസി) നിരസിച്ചുവെങ്കിലും, ബുധനാഴ്ച ദുബായിൽ നടക്കുന്ന പാകിസ്ഥാന്റെ മത്സരം മുതിർന്ന ഉദ്യോഗസ്ഥൻ നിയന്ത്രിക്കില്ലെന്ന് വൃത്തങ്ങൾ അറിയിച്ചു.പാകിസ്ഥാൻ ക്രിക്കറ്റ് ബോർഡ് (പിസിബി) ചെയർമാൻ മൊഹ്സിൻ നഖ്വി പ്രധാനമന്ത്രി ഷെഹബാസ് ഷെരീഫുമായി സംസാരിച്ചതിന് ശേഷമാണ് മത്സരവുമായി മുന്നോട്ട് പോകാൻ തീരുമാനമെടുത്തതെന്നാണ് വിവരം.
Comments
Post a Comment