കൊച്ചിയില്‍ മദ്യലഹരിയില്‍ പരിശോധന; ആര്‍ടിഓ ഉദ്യോഗസ്ഥന്‍ പിടിയില്‍
കൊച്ചി: മദ്യപിച്ച് വാഹന പരിശോധന നടത്തിയ മോട്ടോര്‍ വാഹന വകുപ്പ് ഉദ്യോഗസ്ഥനെ നാട്ടുകാര്‍ പിടികൂടി പോലിസില്‍ ഏല്‍പ്പിച്ചു. എറണാകുളം ആര്‍ടിഓ ഓഫീസിലെ അസിസ്റ്റന്റ് മോട്ടോര്‍ വെഹിക്കിള്‍ ഇന്‍സ്‌പെക്ടര്‍ എംഎസ് ബിനുവിനെയാണ് പോലിസ് കസ്റ്റഡിയിലെടുത്തത്. ഇയാള്‍ക്കെതിരെ മദ്യപിച്ച് വാഹനമോടിച്ചതിനും കേസ് രജിസ്റ്റര്‍ ചെയ്തു. ബുധനാഴ്ച രാത്രി പത്തുമണിയോടെ തൃക്കാക്കര തോപ്പില്‍ ജങ്ഷനില്‍ വെച്ചായിരുന്നു സംഭവം. മല്‍സ്യവില്‍പ്പന നടത്തുകയായിരുന്ന ഒരു കുടുംബത്തില്‍ നിന്ന് പിഴ ഈടാക്കാന്‍ ശ്രമിക്കുന്നതിനിടെ നാട്ടുകാര്‍ക്ക് ഉദ്യോഗസ്ഥന്‍ മദ്യപിച്ചിട്ടുള്ളതായി സംശയം തോന്നി. വിവരം പോലിസിനെ അറിയിച്ചപ്പോള്‍ പരിശോധനയില്‍ ഇയാള്‍ മദ്യലഹരിയിലായിരുന്നുവെന്ന് സ്ഥിരീകരിച്ചു.
Comments
Post a Comment