ഭർതൃമതിയായ യുവതിയുടെ കിടപ്പറ ദൃശ്യങ്ങള്‍ പകര്‍ത്തി ബ്ളാക്ക് മെയിൽ ചെയ്ത രണ്ടുപേര്‍ റിമാൻഡിൽ
കണ്ണൂര്‍ : കണ്ണൂർ ജില്ലയിലെ മലയോര പ്രദേശമായ കുടിയാന്മലയിൽ: വിവാഹിതയായ യുവതിയും മറ്റൊരാളുമായുള്ള സ്വകാര്യരംഗങ്ങള്‍ രഹസ്യമായി ചിത്രീകരിച്ച് ഭീഷണിപ്പെടുത്തി പണം തട്ടിയ മൂന്നംഗ സംഘത്തിലെ രണ്ടുപേരെ കോടതി റിമാൻഡ് ചെയ്തതു. നടുവില്‍ പള്ളിത്തട്ട് രാജീവ് ഭവന്‍ ഉന്നതിയിലെ കിഴക്കിനടിയില്‍ ഷമല്‍ (21), നടുവില്‍ ടെക്‌നിക്കല്‍ സ്‌കൂളിന് സമീപത്തെ ചെറിയാണ്ടിന്റകത്ത് ലത്തീഫ് (48) എന്നിവരെയാണ് തളിപ്പറമ്പ് കോടതി റിമാൻഡ് ചെയ്തത്.. കഴിഞ്ഞ ഫെബ്രുവരിയിലായിരുന്നു കേസിന് ആസ്പദമായ സംഭവം. യുവതിയുടെ സുഹൃത്തായ ആലക്കോട് സ്വദേശി ഇടയ്ക്കിടെ യുവതിയുടെ വീട്ടിലെത്താറുണ്ട്. ഇതു മനസ്സിലാക്കിയ ശ്യാമും ഷമലും ഒളിച്ചിരുന്നു കഴിഞ്ഞ ഫെബ്രുവരിയിൽ കിടപ്പറദൃശ്യങ്ങള്‍ പകര്‍ത്തുകയും. വീഡിയോ കാണിച്ചു ഭീഷണിപ്പെടുത്തി യുവതിയില്‍നിന്നു പണം വാങ്ങുകയുമായിരുന്നു. വീണ്ടും ഭീഷണിപ്പെടുത്തി പണം ആവശ്യപ്പെട്ടു. കൂടാതെ വീഡിയോ സുഹൃത്ത് ലത്തീഫിനും നല്‍കി. ലത്തീഫ് ഈ ദൃശ്യം യുവതിയെ കാണിച്ച് തനിക്കു വഴങ്ങണമെന്നും പണം നല്‍കണമെന്നും ആവശ്യപ്പെട്ടു. തുടര്‍ന്നായിരുന്നു യുവതി കുടിയാൻമല പൊലിസിൽ വിവരം അറിയിക്കുകയായിരുന്നു.കേസിലെ ഒന്നാംപ്രതിയും ഷമലിന്റെ സഹോദരനുമായ ശ്യാം മറ്റൊരു മർദ്ദന കേസിൽ നിലവിൽ കണ്ണൂർ സബ് ജയിലിൽ റിമാന്‍ഡിലാണ്. ഇയാളുടെ അറസ്റ്റും പൊലിസ് രേഖപ്പെടുത്തിയിട്ടുണ്ട്.
Comments
Post a Comment