പയ്യന്നൂരിൽ എ.സിയിൽ നിന്ന് തീ പടർന്ന് വീടിന് തീപിടിച്ചു

പയ്യന്നൂർ: പയ്യന്നൂർ കുണ്ടയം കൊവ്വലിൽ വീട്ടിലെ എയർ കണ്ടീഷണറിൽ നിന്ന് തീ പടർന്ന് വൻ നാശനഷ്ടം. കുണ്ടയം കൊവ്വൽ താഴെ കുറുന്തിലെ പി.വി ശിവദാസൻ്റെ വീട്ടിലാണ് തീ പിടിത്തമുണ്ടായത്. എസി യൂനിറ്റും കിടക്കയും കട്ടിലുമെല്ലാം കത്തി നശിച്ചു. പയ്യന്നൂരിൽ നിന്നെത്തിയ ഫയർഫോഴ്സും നാട്ടുകാരും ചേർന്ന് തീയണച്ചു.