വള്ളംകളി മത്സരത്തിലെ തർക്കം: സി.പി.എം ഓഫീസിന് നേരെ പടക്കമേറ്,ഡി.വൈ.എഫ്.ഐ വനിതാ നേതാവിന് മർദ്ദനത്തിൽ പരുക്കേറ്റു
ചെറുവത്തൂർ : അച്ചാംതുരുത്തിയിലെ സിപിഎം ഓഫീസിന് നേരെ കോണ്‍ഗ്രസ് ആക്രമം നടത്തിയതായി പരാതി. ഓഫീസിലേക്ക് പടക്കമെറിയുകയും സ്ത്രീകളെ ഉള്‍പ്പെടെ ആക്രമിക്കുകയും ചെയ്തു. കണ്ണൂർ കണ്ണാടിപ്പറമ്പിൽ ഞായറാഴ്ച്ച നടന്നവള്ളംകളി മത്സരത്തിലെ വിജയികളെ ചൊല്ലിയുള്ള തർക്കമാണ് അക്രമത്തിൽ കലാശിച്ചത്..ചെറുവത്തൂര്‍ അച്ചാംതുരുത്തിയില്‍ സിപിഎം ബ്രാഞ്ച് ഓഫീസും, അഴീക്കോടന്‍ ക്ലബും പ്രവര്‍ത്തിക്കുന്ന അഴീക്കോടന്‍ മന്ദിരത്തിന് നേരെ ഞായറാഴ്ച രാത്രിയായിരുന്നു ആക്രമണം. കണ്ണൂര്‍ കണ്ണാടിപ്പറമ്പ് വള്ളുവന്‍കടവില്‍ നടന്ന വള്ളം കളിയുടെ വിജയാഹ്ലാദത്തിന്റെ മറവിലാണ് അഴീക്കോടന്‍ മന്ദിരത്തിന് നേരെ പടക്കമെറിഞ്ഞ് ഭീകരാന്തരീക്ഷം സൃഷ്ടിച്ചതെന്ന് സി.പി.എം ആരോപിച്ചു. പാർട്ടി പ്രവര്‍ത്തകരെത്തിയതോടെ അക്രമി സംഘം പിന്‍വാങ്ങി. ഇതിനു ശേഷം വള്ളംകളി കാണാന്‍ പോയി മടങ്ങി വന്ന അഴീക്കോടന്‍ ക്ലബ്ബിന്റെ വനിതാ പ്രവര്‍ത്തകരെയടക്കം കോണ്‍ഗ്രസ് പ്രവര്‍ത്തകര്‍ ആക്രമിച്ചതായി പരാതിയുണ്ട്.ആക്രമണത്തില്‍ പരിക്കേറ്റ ഡി.വൈ.എഫ്.ഐമേഖല കമ്മറ്റി അംഗം ബബിത ചെറുവത്തൂരിലെ സ്വകാര്യ ആശുപത്രിയില്‍ ചികിത്സ തേടി. വള്ളംകളിയുടെ മറവില്‍ രാഷ്ട്രീയ ലക്ഷ്യത്തോടെ നടത്തിയ ആക്രമണത്തില്‍ സിപിഎം പ്രതിഷേധിച്ചു. സംഭവത്തില്‍ ചന്തേര പൊലീസ് കേസെടുത്ത്അന്വേഷണം ആരംഭിച്ചു
Comments
Post a Comment