ശബരിമല സ്വർണ മോഷണക്കേസ്: ‘കളങ്കിതരെ പാര്‍ട്ടി സംരക്ഷിക്കില്ല; കുറ്റക്കാര്‍ ശിക്ഷിക്കപ്പെടും’; എം വി ഗോവിന്ദൻ മാസ്റ്റർ

തിരുവനന്തപുരം:ശബരിമല സ്വർണ മോഷണക്കേസിൽ കളങ്കിതരെ പാർട്ടി സംരക്ഷിക്കില്ലെന്ന് സിപിഐഎം സംസ്ഥാന സെക്രട്ടറി എം വി ഗോവിന്ദൻ മാസ്റ്റർ മാധ്യമങ്ങളോട് വ്യക്തമാക്കി.തിരുവിതാംകൂർ ദേവസ്വം ബോർഡ് മുൻപ്രസിഡന്റ് എ പത്മകുമാറിന്റെ അറസ്റ്റുമായി ബന്ധപ്പെട്ട മാധ്യമങ്ങളുടെ ചോദ്യങ്ങളോട് പ്രതികരിക്കുകയായിരുന്നു അദ്ദേഹം. കേസിൽ കുറ്റക്കാരായവർ ശിക്ഷിക്കപ്പെടുമെന്നും ഏത് ഉന്നതനായാലും സംരക്ഷിക്കപ്പെടില്ല എന്നും അദ്ദേഹം പറഞ്ഞു.അതേസമയം അറസ്റ്റ് ചെയ്തത് കൊണ്ട് മാത്രം ആയില്ല എന്നും കുറ്റക്കാരനാണോ എന്ന് പറയേണ്ടത് കോടതിയാണെന്നും അദ്ദേഹം വ്യക്തമാക്കി. ‘ പത്മകുമാർ കുറ്റാരോപിതൻ മാത്രം. കുറ്റം തെളിയേണ്ടതുണ്ട്. എസ് ഐ ടി യുടെ അന്വേഷണം തുടരുന്നതേ ഉള്ളു. അറസ്റ്റ് ചെയ്തത് കൊണ്ട് മാത്രം ഒരാളെ തള്ളിക്കളയാനാകില്ല. പത്മകുമാറിൻ്റെ അറസ്റ്റ് പാർട്ടിക്ക് തിരിച്ചടിയല്ല’ എന്നും എംവി ഗോവിന്ദൻ മാസ്റ്റർ പറഞ്ഞു.