കീഴാറ്റൂരിൽ പട്ടാപ്പകൽ വീടിൻ്റെ കതക് തകർത്ത് കവർച്ചയ്ക്ക് ശ്രമിച്ച കൊല്ലം സ്വദേശിയായ യുവാവ് അറസ്റ്റിൽ
തളിപ്പറമ്പ്: പട്ടാപ്പകല്‍ വീടിന്റെ കതക് തകര്‍ത്ത് കവര്‍ച്ചക്ക് ശ്രമിച്ച കൊല്ലം സ്വദേശിയായ മോഷ്ടാവ് അറസ്റ്റില്‍.കൊല്ലം സ്വദേശിയായ എസ്.ശിവനാ(35)ണ് പിടിയിലായത്. ചൊവ്വാഴ്ച്ച ഉച്ചയ്ക്ക് 12 മണിയോടെയാണ് സംഭവം.കീഴാറ്റൂര്‍ കോടേശ്വരം ക്ഷേത്രത്തിന് സമീപത്തെ പി.വി.വിനോദ്കുമാറിന്റെ വീട്ടിലാണ് കവര്‍ച്ച ശ്രമം നടന്നത്.കണ്ണൂര്‍ ഗവ.എഞ്ചിനീയറിംഗ് കോളേജ് ജീവനക്കാരനായ വിനോദ്കുമാറും അധ്യാപികയായ ഭാര്യ സിന്ധുവും രാവിലെ ജോലിക്കും മക്കള്‍ സ്‌ക്കൂളിലേക്കും പോയിരുന്നു.പിന്‍ഭാഗത്തെ വാതില്‍ ഇന്റര്‍ലോക്ക് കട്ട ഉപയോഗിച്ച് അടിച്ചു പൊളിക്കാന്‍ ശ്രമിക്കവെ ശബ്ദം കേട്ട് അയല്‍ക്കാരനായ നാരായണന്‍ സ്ഥലത്തെത്തുകയായിരുന്നു. ഇയാൾ വിവരമറിയിച്ചതുപ്രകാരമാണ് പൊലി സെത്തി മോഷ്ടാവിനെ കസ്റ്റഡിയിലെടുത്തത്.പ്രതിയെ പൊലിസ് വിശദമായി ചോദ്യം ചെയ്തു. തളിപറമ്പ് കോടതിയിൽ ഹാജരാക്കി.
Comments
Post a Comment