പെൻഷൻകാരെ ചേർത്തുനിർത്തും: അഡ്വ. കരീം ചേലേരി.
കണ്ണൂർ: പെൻഷൻകാരെ ചേർത്തുനിർത്തുന്ന പദ്ധതികളും പ്രഖ്യാപനങ്ങളും ഉൾപ്പെടുത്തി യു.ഡി.എഫ്. സംസ്ഥാന കമ്മറ്റി പുറത്തിറക്കിയ തെരഞ്ഞെടുപ്പ് പ്രകടനപത്രികയുമായി പ്രവർത്തകർ അഴീക്കോട് നിയോജകമണ്ഡലം യുഡിഎഫ് സ്ഥാനാർത്ഥി അഡ്വ. കരീം ചേലേരിക്കൊപ്പം. പെൻഷൻകാരുടെ പ്രശ്നങ്ങളിൽ വരുന്ന യുഡിഎഫ് സർക്കാർ നീതിപൂർവകമായി ഇടപെടുമെന്ന് കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ നിയോജക മണ്ഡലം കൺവെൻഷനിൽ പങ്കെടുത്ത് ചേലേരി പറഞ്ഞു. മണ്ഡലം പ്രസിഡണ്ട് കെ.ഗീത അധ്യക്ഷത വഹിച്ചു. വരും ദിവസങ്ങളിൽ പ്രചരണ രംഗത്ത് സജീവകാൻ കൺവെൻഷൻ തീരുമാനിച്ചു. സംസ്ഥാന പ്രസിഡണ്ട് എം പി വേലായുധൻ സ്ഥാനാർത്ഥിയെ ഷാളണിയിച്ചു സ്വീകരിച്ചു. ചടങ്ങിൽ ഡിസിസി ട്രഷറർ കെ. പ്രമോദ്, കെ.എസ്.എസ്.പി.എ. ഭാരവാഹികളായ കെ.സി.ശ്രീജിത്ത് , പി.അബൂബക്കർ, തങ്കമ്മ വേലായുധൻ, കെ.ഉഷാകുമാരി, എം.കെ.ദിവാകരൻ, സി.ആർ. ഉഷ, എം.കെ.ഉഷ, പവിത്രൻ പി.വി, എം.കെ.ഗീത, കെ.കെ.അനിൽകുമാർ, ഇ.ഉഷ, കെ.ബാബു, കെ.എം.ഗംഗാധരൻ, ടി.പി.രാജീവൻ എന്നിവർ പ്രസംഗിച്ചു സെക്രട്ടറി സ്വാഗതം പറഞ്ഞു.
Comments
Post a Comment