ദമ്പതികളെ ഇടിച്ചു വീഴ്ത്തിയ ബൈക്ക് യാത്രക്കാരൻ്റെ പേരിൽ പൊലിസ് കേസെടുത്തു

തളിപ്പറമ്പ് :ദമ്പതികളെ ഇടിച്ചുവീഴ്ത്തിയ ബൈക്ക് യാത്രികന്റെ പേരില്‍ പോലീസ് കേസെടുത്തു.കെ.എല്‍-59-സി-2253 നമ്പർ ബൈക്ക് യാത്രക്കാരന്റെ പേരിലാണ് തളിപ്പറമ്പ് പോലീസ് കേസെടുത്തത്.ചപ്പാരപ്പടവ് ചീനായി പുതിയപുരയില്‍ വീട്ടില്‍ റഷീദ് മാനാട്(54), ഭാര്യ ജമീല(50)എന്നിവര്‍ക്കാണ് പരിക്കേറ്റത്. കഴിഞ്ഞമാര്‍ച്ച് മൂന്നിന് വൈകുന്നേരം മൂന്നിനായിരുന്നു കേസിനാസ്പദമായ സംഭവം നടന്നത്.കെ.എല്‍-59 എന്‍-2936 നമ്പര്‍ ബൈക്കിൽ ഇരുവരും മംഗര ഭാഗത്തുനിന്നും ചപ്പാരപ്പടവ് ഭാഗത്തേക്ക് പോകവെചപ്പാരപ്പടവ് എം.എ.എച്ച് ആശുപത്രിയുടെ സമീപം വെച്ച് അമിതവേഗതയില്‍ അശ്രദ്ധമായി വന്ന കെ.എല്‍-59-സി-2253 ബൈക്ക് ഇരുവരേയും ഇടിച്ചുവീഴ്ത്തുകയായിരുന്നു. സാരമായി പരുക്കേറ്റ ഇരുവരും ചികിത്സയിലായിരുന്നു.