റോഡ് മുറിച്ചു കടക്കവെ ഓട്ടോറിക്ഷയിടിച്ച് കാൽനട യാത്രക്കാരൻ മരിച്ചു
ചെറുവത്തൂര്‍: റോഡ് മുറിച്ചുകടക്കവെ ഓട്ടോറിക്ഷ ഇടിച്ച് പരുക്കേറ്റ കാൽനട യാത്രക്കാരൻ മരിച്ചു.ചെറുവത്തൂരിലെ പരേതനായ കൃഷ്ണന്‍നായര്‍-മാധവി ദമ്പതികളുടെ മകന്‍ ടി.മണികണ്ഠനാണ്(50 )മരിച്ചത്.ഇന്നലെ വൈകുന്നേരം 6.45 ന് ചെറുവത്തൂര്‍ ടൗണിലെ മില്‍മ ഷോപ്പിന് മുന്നിലായിരുന്നു അപകടം.മണികണ്ഠന്‍ റോഡ് മുറിച്ചു കടക്കവെ കെ.എല്‍ 60 ബി-9971 നമ്പര്‍ ഓട്ടോറിക്ഷ ഇടിച്ചുവീഴ്ത്തുകയായിരുന്നു. നാട്ടുകാർ ഉടൻ ആശുപത്രിയിലെത്തിച്ചു വെങ്കിലും ചികിത്സയ്ക്കിടെ മരണമടയുകയായിരുന്നു.സഹോദരങ്ങള്‍: രഘുനാഥന്‍, പുഷ്പ, അനിത, പരേതയായ സാവിത്രി.മൃതദേഹം പരിയാരത്തെ കണ്ണൂര്‍ ഗവ.മെഡിക്കല്‍ കോളേജില്‍ പോസ്റ്റ്‌മോര്‍ട്ടംചെയ്തശേഷം ഇന്ന് വൈകുന്നേരം സംസ്‌ക്കരിക്കും
Comments
Post a Comment