കണ്ണാടിപ്പറമ്പിൽ ബൈക്കിടിച്ച് പരിക്കേറ്റ കാൽനട യാത്രക്കാരൻ മരിച്ചു
കണ്ണാടിപ്പറമ്പ്: കണ്ണാടിപ്പറമ്പ് ഹൈസ്കൂളിന് സമീപം ഇന്നലെ വൈകുന്നേരം ബൈക്കിടിച്ച് ഗുരുതരമായി പരിക്കേറ്റ് ചികിത്സയിലായിരുന്ന കാൽനട യാത്രക്കാരൻ മരിച്ചു. എൻ.കെ. ഗോപാലൻ ആണ് മരിച്ചത്.ഇന്നലെ രാത്രി 7 മണിയോടെയായിരുന്നു അപകടം. കാൽനടയായി പോവുകയായിരുന്ന ഇദ്ദേഹത്തെ ബൈക്ക് ഇടിക്കുകയായിരുന്നു. സ്വകാര്യ ആശുപത്രിയിൽ ചികിത്സയിലിരിക്കെയാണ് മരണം.തുടർച്ചയായി അപകടങ്ങൾ നടക്കുന്ന ഈ മേഖലയിൽ ഇന്നലെ തന്നെ അധികൃതർ ഇടപെട്ട് വേഗനിയന്ത്രണ ബാരിക്കേഡുകൾ സ്ഥാപിച്ചിരുന്നു. മൂന്നു മാസത്തിനിടെ ഇവിടെയുണ്ടായ വാഹനാപകടങ്ങളിൽ മൂന്നു പേരാണ് മരിച്ചത്.
Comments
Post a Comment