നിതിൻ രാജിൻ്റെ മരണം: ഒരാഴ്ച്ചയ്ക്കുള്ളിൽ റിപ്പോർട്ട് സമർപിക്കണമെന്ന് പൊലിസിനോട് മനുഷ്യാവകാശ കമ്മിഷൻ

കണ്ണൂർ: അഞ്ചരക്കണ്ടി   ദന്തൽ  മെഡിക്കൽകോളേജിലെ ഒന്നാംവർഷ ബി.ഡി.എസ് വിദ്യാർത്ഥിയുടെ മരണത്തെ കുറിച്ച് കുടുംബം ഉയർത്തുന്ന ഗുരുതര ആരോപണങ്ങൾ ഒരാഴ്ചക്കകം  അന്വേഷിച്ച് റിപ്പോർട്ട് സമർപ്പിക്കണമെന്ന്മനുഷ്യാവകാശ കമ്മീഷൻ .ജുഡീഷ്യൽ അംഗം കെ.ബൈജുനാഥ് കണ്ണൂർ  സിറ്റി പോലീസ് മേധാവിക്കാണ്  നിർദ്ദേശം നൽകിയത്തിരുവനന്തപുരം ആനമങ്ങാട് സ്വദേശി ആർ.എൽ. നിതിൻ രാജിന്റെ മരണത്തിൽ കോളേജിലെ അധ്യാപകൻ ജാതി പറഞ്ഞും മറ്റും അപമാനിച്ചതായി പിതാവ് ആരോപണം ഉന്നയിച്ചിരുന്നു.മാധ്യമ വാർത്തകളുടെ അടിസ്ഥാനത്തിലാണ് കമ്മീഷൻ സ്വമേധയാ കേസെടുത്തത്.