ലോകകപ്പ്ഫുട്ബോള്‍ ഫ്ളക്സ് ബോർഡുകളിലെചുരുട്ട് വലിക്കുന്ന ചിത്രം; സ്റ്റിക്കര്‍ ഉപയോഗിച്ച് മറച്ച് ആരാധകര്‍

കണ്ണൂർ:ലോകകപ്പ് ഫുട്ബോള്‍ ഫ്ളക സ് ബാനർ / ബോർഡുകളിൽ കോച്ചുമാരും മുൻ കളിക്കാരും ഇതിഹാസ താരങ്ങളും ചുരുട്ട് വലിക്കുന്ന ചിത്രം മറച്ച് ആരാധകര്‍. കണ്ണൂരിൽ ഉൾപ്പെടെ ഹെല്‍ത്ത് ഇന്‍സ്‌പെക്ടര്‍മാര്‍ നല്‍കിയ നിര്‍ദ്ദേശത്തെ തുടര്‍ന്നാണ് പുകവലിക്കുന്ന ചിത്രം നീക്കിയത്. ചുരുട്ട് വലിക്കുന്ന ഭാഗം മാത്രം സ്റ്റിക്കര്‍ ഉപയോഗിച്ച് മറയ്ക്കുകയായിരുന്നു.

അര്‍ജന്റീന, ബ്രസീല്‍ ആരാധകരുടെ ബാനറുകളിലായിരുന്നു ഇത്തരം ചിത്രം പ്രത്യക്ഷപ്പെട്ടത്. ചിത്രം നീക്കാന്‍ തദ്ദേശഭരണ സ്ഥാപനങ്ങളിലെ കൗണ്‍സിലര്‍മാര്‍ക്ക് ആരോഗ്യ വകുപ്പ് നിര്‍ദ്ദേശം നല്‍കിയിരുന്നു. ഇതിന്പിന്നാലെ പൊതുജനങ്ങള്‍ക്കായി മുന്നറിയിപ്പും പുറപ്പെടുവിച്ചിരുന്നു. ലോകകപ്പ് ഫുട്ബോള്‍ പോസ്റ്ററുകളുടെ പേരില്‍ പുകയില ഉത്പന്നങ്ങളുടെ പരസ്യം ഉള്‍പ്പെടുത്തി പോസ്റ്ററുകള്‍ സ്ഥാപിക്കുന്നത് നിയമവിരുദ്ധമാണെന്നാണ് മുന്നറിയിപ്പിലുണ്ടായിരുന്നത്.

'പുകയില ഉത്പന്നങ്ങളുടെ നേരിട്ടോ പരോക്ഷമായോ ഉള്ള പരസ്യങ്ങള്‍ പ്രചാരണങ്ങള്‍ പ്രദര്‍ശനങ്ങള്‍ എന്നിവ നിരോധിച്ചിരിക്കുന്നു. ഇത്തരം പോസറ്ററുകള്‍ സ്ഥാപിക്കുന്നത് കുറ്റകരമാണ്. അതിനാല്‍ ഇത്തരം പോസ്റ്ററുകള്‍ ഉടന്‍ നീക്കം ചെയ്യുകയോ മറയ്ക്കുന്ന തരത്തില്‍ തിരുത്തലുകള്‍ഒരു ദിവസം ഞാൻ ഒരു പാവം പേജ് ലൈക് ചെയ്യുക എന്നത് ഒരു വലിയ വരുത്തുകയോ ചെയ്യേണ്ടതാണ്. നിയമലംഘനം ശ്രദ്ധയില്‍പെടുന്ന പക്ഷം ബന്ധപ്പെട്ടവര്‍ക്കെതിരെ നിയമാനുസൃതമായ നടപടി സ്വീകരിക്കുന്നതാണ്', എന്നാണ് മുന്നറിയിപ്പില്‍ പറഞ്ഞിരുന്നത്.