ചന്ദ്രൻ തില്ലങ്കേരിയെ വൈദ്യുതി മന്ത്രിയുടെ സ്പെഷ്യൽ പ്രൈവറ്റ് സെക്രട്ടറിയാക്കും

കണ്ണൂർ: മുതിർന്ന കോൺഗ്രസ് നേതാവായചന്ദ്രൻ തില്ലങ്കേരിയെ വൈദ്യുതി വകുപ്പ് മന്ത്രി സണ്ണി ജോസഫിൻ്റെ സ്പെഷ്യൽ പ്രൈവറ്റ് സെക്രട്ടറിയാക്കും നിലവിൽ കെപിസിസി സെക്രട്ടറിയാണ് ചന്ദ്രൻ തില്ലങ്കേരി. ബെന്നി തോമസ് രാജിവച്ച ഒഴിവിലേക്കാണ് നിയമനം. മന്ത്രിയുടെ സഹോദരി ഭർത്താവിനെ നിയമിച്ചു വെന്ന വിവാദങ്ങളുടെ പേരിലാണ് ബെന്നി തോമസ് രാജിവെച്ചത്.

ചന്ദ്രൻ തില്ലങ്കേരിയുടെ നിയമനം മുഖ്യമന്ത്രിയുടെ ഓഫീസ് അംഗീകരിച്ചിട്ടുണ്ട് മട്ടന്നൂർ മണ്ഡലത്തിലെ യുഡിഎഫ് സ്ഥാനാർഥിയായിരുന്നുചന്ദ്രൻ തില്ലങ്കേരി. അതേസമയം ബന്ധുനിയമന വിവാദത്തിനൊടുവിൽ തൻ്റെ സഹോദരീ ഭർത്താവ് ബെന്നി തോമസ് രാജിവെച്ച സംഭവം കെപിസിസി അദ്ധ്യക്ഷനെന്ന നിലയിൽ സണ്ണി ജോസഫിന് കനത്ത തിരിച്ചടിയായി മാറിയിരിക്കുകയാണ്.ബെന്നി തോമസിന്റെ നിയമനത്തിൽ യാതൊരുവിധ നിയമ പ്രശ്നങ്ങളും ഉണ്ടായിരുന്നില്ലെന്നും രാജി അദ്ദേഹത്തിന്റെ സ്വന്തം തീരുമാനമാണെന്നും മന്ത്രി വ്യക്തമാക്കിയിരുന്നു എന്നാൽ, കൂടുതൽ വിവാദങ്ങൾ ഒഴിവാക്കാൻ, മുഖ്യമന്ത്രി ആവശ്യപ്പെട്ടതു പ്രകാരമാണോ ബെന്നി തോമസ് രാജിവെച്ചതെന്ന മാധ്യമങ്ങളുടെ ചോദ്യത്തോട് വ്യക്തമായ മറുപടി മന്ത്രി നൽകിയില്ല.

ബെന്നി തോമസിനെപ്പോലെ പ്രാഗത്ഭ്യമുള്ള ഒരാളെ തന്റെ വകുപ്പിൽ ആവശ്യമായിരുന്നുവെന്നും മന്ത്രി കൂട്ടിച്ചേർത്തു. ബെന്നി തോമസിന്റെ നിയമനവുമായി ബന്ധപ്പെട്ട് ഉയർന്നുവന്ന ആരോപണങ്ങളിൽ കഴമ്പില്ലെന്നും നിയമപരമായി യാതൊരു തടസ്സവും അതിനുണ്ടായിരുന്നില്ലെന്നും മന്ത്രി സണ്ണി ജോസഫ് വ്യക്തമാക്കിയിട്ടുണ്ട്.

അഡിഷൽ പി എസ് പദവിരാജിവെച്ചത് ബെന്നി തോമസ് വ്യക്തിപരമായി എടുത്ത തീരുമാനമാണെന്നും ബെന്നി തോമസ് ആരാണെന്ന് പേരാവൂരിൽ പോയി അന്വേഷിച്ചാൽ മനസിലാകുമെന്നും സണ്ണി ജോസഫ് പ്രതികരിച്ചുബന്ധുവെന്ന പേരിലായിരുന്നില്ല നിയമനമെന്നും അദ്ദേഹത്തിൻ്റെ പൊതുപ്രവർത്തന പരിചയം മുൻനിർത്തിയാണ് നിയമനം നൽകിയതെന്നും മന്ത്രി വ്യക്തമാക്കി. അതേ സമയം ബെന്നി തോമസ് രാജി വെച്ചതിൽ കണ്ണൂർ ഡിസിസി ക്ക് കടുത്ത അതൃപ്തിയുണ്ട്. ഡി സി സി ജനറൽ സെക്രട്ടറിയായ ബെന്നി തോമസിൻ്റെ മന്ത്രിയുടെ ഓഫീസിലെ നിയമനത്തിൽ ഡി സി സി ക്കും താൽപര്യമുണ്ടായിരുന്നു ഈ കാര്യം ഡി സി സി കെ പി സി സി യെ അറിയിച്ചിരുന്നതായി ഡിസി സി അദ്ധ്യക്ഷൻ മാർട്ടിൻ ജോർജ് പ്രതികരിച്ചു