സി.പി.എം കണ്ണൂർ ജില്ലാ സെക്രട്ടറി കെ കെ രാഗേഷിനെതിരെ വ്യാജ വാർത്താ പ്രചരണത്തിനെതിരെ പൊലിസിൽ പരാതി നൽകി
കണ്ണൂർ: സി.പിഎം കണ്ണൂർ ജില്ലാ സെക്രട്ടറികെ കെ രാഗേഷിനെതിരെ സോഷ്യൽ മീഡിയയിലുടെ വ്യാജ വാർത്താ പ്രചാരണം നടത്തുന്നതായി പരാതി.
വ്യാജ വാർത്ത സൃഷ്ടിച്ച് സാമൂഹ്യ മാധ്യമങ്ങളിൽ വർഗീയ ചേരിതിരിവ് സൃഷ്ടിക്കാൻ
ജില്ലാ സെക്രട്ടറിയെ കരുവാക്കുന്നതിനെതിരെ സിപി എം കണ്ണൂർ ജില്ലാ സെക്രട്ടറിയേറ്റ് കണ്ണൂർ ടൗൺ പൊലിസിന് പരാതി നൽകി .ജില്ലാ സെക്രട്ടറി കെ കെ രാഗേഷ് പറഞ്ഞെന്ന പേരിൽ തീർത്തും അസത്യവും അപകീർത്തികരവുമായ വ്യാജ കാർഡുകൾ നിർമ്മിച്ച് പ്രചരിപ്പിക്കുകയാണ് ചില സൈബർ ക്രിമിനലുകളെന്ന് പരാതിയിൽ പറഞ്ഞു ഈക്കാര്യം പൊലീസ് വിശദമായ അന്വേഷിക്കണമെന്ന് ആവശ്യപ്പെട്ട് തെളിവു സഹിതമാണ് സ്‌ക്രീൻ ഷോട്ടിൻ്റെപരാതി നൽകിയത്.
തികച്ചും വർഗീയവിദ്വേഷം വളർത്തുന്ന തരത്തിലുള്ള വ്യാജ പ്രസ്താവനകളാണ് ചില പ്രവാസി ഹാൻഡിലുകളിലും നിന്നും മറ്റും പ്രചരിപ്പിക്കുന്നത്.കെ കെ രാഗേഷ് പറയാത്ത കാര്യങ്ങൾ അദ്ദേഹത്തിന്റെ ഫോട്ടോ സഹിതം നിർമിച്ചാണ് പ്രചരിപ്പിക്കുന്നത്. പാർട്ടിയെ അപകീർത്തിപ്പെടുത്താനും സമൂഹത്തിൽ മതപരമായ ചേരിതിരിവും വർഗീയ വിദ്വേഷവും ഉണ്ടാക്കാനുമാണ് ഇതിലൂടെ ലക്ഷ്യമിടുന്നതെന്ന് സി.പി എം ആരോപിച്ചു കണ്ണൂർ മാനന്തേരി സ്വദേശിയായ ജാവിദ് എന്നയാൾ ഉൾപ്പെടെയുള്ളവർ ഇത്തരം വ്യാജ സന്ദേശങ്ങൾ ആസൂത്രിതമായി പ്രചരിപ്പിക്കുന്നുണ്ട്.
പാർട്ടിയെ ജനങ്ങൾക്കിടയിൽ തെറ്റിദ്ധരിപ്പിക്കാൻ ബോധപൂർവ്വം നടത്തുന്ന ഇത്തരം സൈബർ ക്രിമിനൽ സംഘങ്ങൾക്കെതിരെ ജാഗ്രത പാലിക്കണമെന്ന് സിപിഎം ജില്ലാ സെക്രട്ടറിയറ്റ് പ്രസ്താവനയിൽ അഭ്യർത്ഥിച്ചു. വ്യാജ വാർത്തകളും സന്ദേശങ്ങളും നിർമിക്കുന്നവർക്കും അതു സാമൂഹ്യ മാധ്യമങ്ങൾ വഴി പ്രചരിപ്പി ക്കുന്നവർക്കും എതിരെ കർശനമായ നിയമനടപടികൾ സ്വീകരിക്കണമെന്നും സെക്രട്ടറിയറ്റ് പൊലിസിനോട് ആവശ്യപ്പെട്ടു.
Comments
Post a Comment