കിളിയന്തറയിൽ കാറിടിച്ച് ബൈക്ക് യാത്രക്കാരനായ യുവാവ് മരിച്ചു
ഇരിട്ടി: കിളിയന്തറയിൽ കാറും ബൈക്കും കൂട്ടിയിടിച്ച് ബൈക്ക് യാത്രികനായ യുവാവ് മരിച്ചു. പേരട്ട കല്ലംന്തോട് സ്വദേശി അഖിലാണ് (25) മരിച്ചത്. ശനിയാഴ്ച രാത്രി 10 മണിയോടെ ഇരിട്ടി - കൂട്ടുപ്പുഴ റോഡിൽ കിളിയന്തറയിലാണ് അപകടം. ബാംഗ്ലൂരിൽ നിന്നും ഇരിട്ടി ഭാഗത്തേക്ക് വരികയായിരുന്ന ഫോർച്യൂണർ കാറും വള്ളിത്തോട് ഭാഗത്തുനിന്നും കൂട്ടുപുഴ ഭാഗത്തേക്ക് പോവുകയായിരുന്ന ബൈക്കും കൂട്ടിയിടിക്കുകയായിരുന്നു. ഗുരുതരമായി പരിക്കേറ്റ അഖിലിനെ ഇരിട്ടിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. പേരട്ടയിലെ അശോകൻ - ഗീത ദമ്പതികളുടെ മകനാണ് അഖിൽ. സഹോദരി: അജിത
Comments
Post a Comment