മമ്മൂട്ടി @ 75, പുതുചിത്രത്തിൻ്റെ ഫസ്റ്റ് ലുക്ക് പോസ്റ്റർ പുറത്തിറങ്ങി

കൊച്ചി:മമ്മൂട്ടിയുടെ എഴുപത്തിയഞ്ചാം ജന്മദിനത്തോടനുബന്ധിച്ച് പുതിയ ചിത്രം ‘മേള’യുടെ ടൈറ്റിലും ഫസ്റ്റ് ലുക്ക് പോസ്റ്ററും പുറത്തിറങ്ങി. മമ്മൂട്ടി കമ്പനിയുടെ ബാനറിൽ മമ്മൂട്ടി നിർമ്മിക്കുന്ന ഒമ്പതാമത്തെ ചിത്രമാണ് മേള. നിതീഷ് സഹദേവ് സംവിധാനം ചെയ്യുന്ന ചിത്രത്തി​ന്റെ ഷൂട്ടിങ്ങ് കേരളത്തിലും തമിഴ്നാട്ടിലുമായാണ് നടക്കുന്നത്. ജൂലൈ 28നാണ് ചിത്രത്തിന്റെ ഷൂട്ടിം​ഗ് ആരംഭിച്ചത്.

മമ്മൂട്ടിയുടെ ജന്മദിനത്തോടനുബന്ധിച്ച് ചിത്രത്തി​ന്റെ ടൈറ്റിലും ഫസ്റ്റ് ലുക്ക് പോസ്റ്ററും സെപ്റ്റംബർ ഏഴിന് പുറത്തിറങ്ങുമെന്ന് മുൻകൂട്ടി അറിയിച്ചിരുന്നു.

നിതീഷ് സഹദേവും അനുരാജ് ഒ ബിയും ചേർന്ന് നിർമ്മിക്കുന്ന ചിത്രത്തി​ന്റെ പൂജ ജൂലൈ 9ന് ആയിരുന്നു നടന്നത്. ജിംഷി ഖാലിദ് ആണ് ചിത്രത്തിന് ക്യാമറ. ഏറെ പ്രതീ​ക്ഷ​യോടെയാണ് പ്രേക്ഷകർ ഈ ചിത്രത്തിനായി കാത്തിരിക്കുന്നത്.