മാസ വരുമാനത്തിനോടൊപ്പം ഇനി 9000 രൂപ കൂടി അധികമായി ലഭിച്ചാലോ? ഭാവി സുരക്ഷിതമാക്കാൻ പോസ്റ്റ് ഓഫീസിന്റെ നിക്ഷേപ പദ്ധതിയെക്കുറിച്ചറിയാം

കണ്ണൂർ:സാമ്പത്തികഭദ്രതയോടുകൂടിയുള്ള ജീവിതമാണ് ഒട്ടുമിക്കവരുടെയും സ്വപ്നം. അതിനായി ലഭിക്കുന്ന മാസശമ്പളത്തിന്റെ ഒരു നിശ്ചിത ഭാ​​ഗം ഏതെങ്കിലും പദ്ധതികളിൽ നിക്ഷേപിക്കാത്തവരും ചുരുക്കമായിരിക്കും. എന്നാൽ ഏത് പദ്ധതിയിൽ പണം നിക്ഷേപിക്കുമ്പോഴാണ് കൂടുതൽ ലാഭം ഉണ്ടാവുകയെന്ന കാര്യത്തിൽ ഇപ്പോഴും പലർക്കും സംശയമുണ്ടായിരിക്കും. എന്നാൽ ഇനിമുതൽ ആ സംശയം വേണ്ട.

തപാൽ വകുപ്പിന് കീഴിലുള്ള റെക്കറിം​ഗ് ഡെപ്പോസിറ്റുകൾ (ആർഡി ) നിക്ഷേപകർക്ക് കൂടുതൽ ലാഭവും സുരക്ഷിതത്വവും നൽകുന്നുണ്ട്. വരുമാനത്തിന്റെ ഒരു ഭാ​ഗം ആർഡിയിൽ നിക്ഷേപിക്കുകയാണെങ്കിൽ നിശ്ചിത കാലം കൊണ്ട് മികച്ച വരുമാനം നേടിയെടുക്കാമെന്നാണ് സാമ്പത്തിക വിദ​ഗ്ധർ പറയുന്നത്. അതുപോലെ സുരക്ഷിതമായ മറ്റൊരു പദ്ധതിയാണ് പോസ്റ്റ് ഓഫീസ് പ്രതിമാസ വരുമാന പദ്ധതി. നിങ്ങളുടെ നിക്ഷേപത്തിന് 7.4 ശതമാനം പലിശയാണ് ഈ പദ്ധതി വാഗ്ദാനം ചെയ്യുന്നത്.

അഞ്ച് വർഷമാണ് പോസ്‌​റ്റോഫീസ് പ്രതിമാസ വരുമാന പദ്ധതിയുടെ കാലാവധി. ആവശ്യമെങ്കിൽ ഈ കാലാവധി ദീർഘിപ്പിക്കാവുന്നതാണ്. രണ്ട് രീതിയിൽ ഈ പദ്ധതിയിൽ പണം നിക്ഷേപിക്കാവുന്നതാണ്. സിം​ഗിൾ അക്കൗണ്ടിലും ജോയിന്റ് അക്കൗണ്ടിലുമാണ് നിക്ഷേപം നടത്തേണ്ടത്. സിംഗിൾ അക്കൗണ്ടിൽ ഒൻപത് ലക്ഷം രൂപ വരെയും ജോയിന്റെ അക്കൗണ്ടുകളിൽ 15 ലക്ഷം രൂപ വരെയും നിക്ഷേപിക്കാം.