മാസപ്പടി കർത്തയുടെ ഡയറിയിൽ മുഖ്യമന്ത്രിയുടെ പേരും, പിണറായിയടക്കം പ്രമുഖരുടെ പേരുകൾ, രേഖകൾ പുറത്തുവിട്ട് ഷോൺ ജോർജ്

കൊച്ചി:മാസപ്പടി കേസുമായി ബന്ധപ്പെട്ട് ശശിധരൻ കർത്തായുടെ ഡയറിയിലെ കൂടുതൽ വിവരങ്ങൾ ബി ജെ പി നേതാവ് ഷോൺ ജോർജ് പുറത്തുവിട്ടു. വി ഡി സതീശൻ, പിണറായി വിജയൻ തുടങ്ങി എൽ ഡി എഫ്, യു ഡി എഫ് മുന്നണികളിലെ നിരവധി പ്രമുഖരുടെ പേരുകൾ എസ് എഫ് ഐ ഒ കോടതിയിൽ സമർപ്പിച്ച ഈ രേഖയിലുണ്ട്

തിരുവനന്തപുരം: മാസപ്പടി കേസിൽ മുഖ്യമന്ത്രി വി ഡി സതീശന്‍റെയും പ്രതിപക്ഷ നേതാവ് പിണറായി വിജയന്‍റെയുമടക്കം നിരവധി പ്രമുഖരുടെ പേരുമുണ്ടെന്ന് ബി ജെ പി നേതാവ് ഷോൺ ജോർജ് മാധ്യമങ്ങളോട് പറഞ്ഞു. എൻഫോഴ്സ്മെന്റ് ഏജൻസിയായ എസ് എഫ് ഐ ഒ (SFIO) കോടതിയിൽ സമർപ്പിച്ച രേഖകൾ പുറത്തുവിട്ടാണ് ബി ജെ പി നേതാവ് രംഗത്തെത്തിയിരിക്കുന്നത്. സി എം ആർ എൽ മാനേജിംഗ് ഡയറക്ടർ ശശിധരൻ കർത്തായിൽ നിന്ന് പിടിച്ചെടുത്ത ഡയറിയിലെ സുപ്രധാന എൻട്രികൾ അടങ്ങിയ പേജാണ് ഷോൺ ജോർജ് പങ്കുവെച്ചത്. എൽ ഡി എഫ്, യു ഡി എഫ് പ്രമുഖ നേതാക്കളുടെ പേരുകൾ വ്യക്തമായി കുറിച്ചിട്ടുള്ള പേജിൽ മുഖ്യമന്ത്രി വി ഡി സതീശനും ഉൾപ്പെട്ടത് ചൂണ്ടിക്കാട്ടിയ ഷോൺ, മാസപ്പടി കേസിൽ ഇ ഡിയുടെ കത്തിൽ സംസ്ഥാന സർക്കാർ പിണറായിക്കെതിരെ വിജിലൻസ് അന്വേഷണം പ്രഖ്യാപിക്കാത്തതിന്‍റെ കാരണം ഇതാണെന്ന് ആരോപിച്ചു. പിണറായി വിജയന്റെ പേര് 'പി വി' എന്നല്ല, 'പിണറായി' എന്ന് തന്നെയാണ് ഡയറിയിൽ രേഖപ്പെടുത്തിയിരിക്കുന്നതെന്നും ഷോൺ വ്യക്തമാക്കിയിട്ടുണ്ട്.