കണ്ണൂരിലെ മണ്ണിൻ്റെ ഗന്ധവും തുടിപ്പും അക്ഷരങ്ങളിൽ ചാലിച്ച എഴുത്തുകാരിക്ക് വയലാർ പുരസ്‌കാരം:ആർ രാജശ്രീയുടെ പുരസ്‌കാര നേട്ടം ജന്മനാടിന് അഭിമാനമായി

കണ്ണൂർ:അൻപതാമത് വയലാർ അവാർഡ് കണ്ണൂർ സ്വദേശിനിയായ എഴുത്തുകാരിക്ക് ലഭിച്ചത് വടക്കെമലബാറിന് അംഗീകാരമായി മാറി.

ആർ രാജശ്രീ രചിച്ച 'ആത്രേയകം' എന്ന നോവലിനാണ് അവാർഡ്. ഒരു ലക്ഷം രൂപയും കാനായി കുഞ്ഞിരാമൻ നിർമ്മിച്ച വെങ്കല ശില്പവും പ്രശസ്തിപത്രവും അടങ്ങുന്നതാണ് ഈ പുരസ്കാരം. 

വയലാർരാമവർമ്മയുടെ ചരമദിനമായ ഒക്ടോബർ 27ന് വൈകുന്നേരം 5:30ന് തിരുവനന്തപുരം നിശാഗന്ധി ആഡിറ്റോറിയത്തിൽ വച്ച് സംസ്ഥാന മുഖ്യമന്ത്രി വി. ഡി സതീശൻ അവാർഡ് സമർപ്പിക്കും.

വലിയ കവിയുടെ പേരിലുള്ള പുരസ്‌കാരം കിട്ടിയതിൽ അതിയായ സന്തോഷമെന്നും കാൽ നൂറ്റാണ്ടിന്റെ ഇടവേളക്ക് ശേഷമാണ് എഴുത്തിലേക്ക് തിരിച്ചു വന്നുവെന്നതെന്നും ആർ രാജശ്രീ കണ്ണൂരിൽ മാധ്യമങ്ങളോട് പ്രതികരിച്ചു.

ആത്രേയകം ഗവേഷണത്തിന്റെ ഭാഗമായി തുടങ്ങിയ നോവൽ ആണെന്നും പുരസ്‌കാര നേട്ടത്തിന് പിന്നാലെ ആർ രാജശ്രീ മാധ്യമങ്ങളോട്

 പറഞ്ഞു. "പിന്തള്ളപ്പെട്ട മനുഷ്യരാണ് ആത്രേയകത്തിന്റെ ഉള്ളടക്കം, വയലാർ അവാർഡ് വളരെ വിലപിടിച്ച അംഗീകാരം. . അവാർഡ് ജേതാക്കളുടെ പേരുകൾ പഠിച്ചയാളെ തേടി അവാർഡ് വന്നിരിക്കുന്നു. അവാർഡ് നേട്ടത്തിൽ വലിയ സന്തോഷം, എഴുത്ത് രാഷ്ട്രീയ പ്രവർത്തനം കൂടിയാണെന്നുംആർ രാജശ്രീ കൂട്ടിച്ചേർത്തു.

1977 ജൂലായ് 22ന് കണ്ണൂർ ജില്ലയിലെ പറശ്ശിനിക്കടവിൽ ജനനം. അച്ഛൻ പി. എൻ. രാജപ്പൻ മാസ്റ്റർ, അമ്മ ആർ. രാജമ്മ. പയ്യന്നൂർ കോളേജ്, ഗവൺമെന്റ് ബ്രണ്ണൻ കോളേജ്, തലശ്ശേരി, ഗവ. ട്രെയിനിംഗ് കോളേജ്, തലശ്ശേരി എന്നിവിടങ്ങളിൽ വിദ്യാഭ്യാസം. ഡോ. കെ.. പി. മാലതിയുടെ കീഴിൽ "സ്ത്രീ സ്വത്വനിർമ്മിതി സ്ത്രീരചനകളിൽ" എന്ന വിഷയത്തെ മുൻനിർത്തി നടത്തിയ പഠനത്തിന് കണ്ണൂർ സർവകലാശാലയിൽ നിന്ന് പി.എച്ച്.ഡി ലഭിച്ചു. 2000 മുതൽ 2005 വരെ കോഴിക്കോട് സെൻ്റ് ജോസഫ്‍സ് ആംഗ്ലോ ഇന്ത്യൻ ഗേൾസ് എച്ച് എസ് എസിലും പിന്നീട് വിവിധ ഗവൺമെന്റ് ഹയർസെക്കന്ററി സ്കൂളുകളിലും അദ്ധ്യാപികയായി പ്രവർത്തിച്ചു. തുടർന്ന് കോഴിക്കോട് ഗവ. ആർട്സ് കോളേജ്, കണ്ണൂർ കെ. എം. എം. ഗവ. വനിതാ കോളേജ്, ഗവ. കോളേജ്, കാസറഗോഡ് എന്നീ കലാലയങ്ങളിൽ അദ്ധ്യാപികയായിരുന്നു. ഇപ്പോൾ തലശ്ശേരി ഗവ. ബ്രണ്ണൻ കോളേജ് മലയാള പഠനവിഭാഗം - ഗവേഷണ കേന്ദ്രത്തിൽ അസിസ്റ്റന്റ് പ്രൊഫസർ.

വിദ്യാർത്ഥിയായിരിക്കെ ചെറുകഥകൾ എഴുതിത്തുടങ്ങി, കണ്ണൂർ സർവ്വകലാശാല കലോത്സവത്തിൽ ചെറുകഥാമത്സരത്തിൽ സമ്മാനം നേടിയിട്ടുണ്ട്. ദീർഘമായ ഇടവേളയ്ക്കുശേഷം ഫെയ്സ്‍ബുക്കിൽ കല്യാണിയുടെയും ദാക്ഷായണിയുടെയും കഥ എഴുതിത്തുടങ്ങി. ആഖ്യാനത്തിന്റെ വ്യത്യസ്തതകൊണ്ടും പാത്രസൃഷ്ടിയുടെ സവിശേഷതയാലും ഗ്രാമീണജീവിതത്തിന്റെ ആർജ്ജവം പ്രകടമാക്കുന്നതിനാലും സൈബർലോകത്തിലെ താരങ്ങളായി കല്യാണിയും ദാക്ഷായണിയും മാറി. തുടർച്ചയായി എഴുതിയ കഥകൾ നോവലായി പരിണണമിച്ചു. മാതൃഭൂമി ബുൿസ് പ്രസിദ്ധീകരിച്ച കല്യാണിയെന്നും ദാക്ഷായണിയെന്നും പേരായ രണ്ട് സ്ത്രീകളുടെ കത എന്ന നോവൽ മലയാളത്തിലെ പുസ്തകപ്രസാധനചരിത്രത്തിലെ അപൂർവ്വതയായി, പ്രകാശനത്തിനു മുൻപെ ആദ്യപതിപ്പ് വിറ്റുതീർന്നിരുന്നു. കഴിഞ്ഞ ദിവസമാണ് മാതൃഭൂമി പുരസ്‌കാരം ആർ രാജശ്രീ ഏറ്റുവാങ്ങിയത്.