വർക്കലയിൽ വയോധികർ വീടിനകത്ത് തീ പൊള്ളലേറ്റ് മരിച്ച നിലയിൽ

വർക്കല: ചേന്നൻകോട് ഒറ്റൂരിൽ വയോധികർക്ക് തീപ്പൊള്ളലേറ്റ് ദാരുണാന്ത്യം. ചേന്നൻകോട് സ്വദേശി സുകുമാരൻ, ഓമന എന്നിവരാണ് മരിച്ചത്. ഓമനയുടെ ഭർത്താവിൻറെ സഹോദരനാണ് സുകുമാരൻ.ഓമനയുടെ ഭർത്താവ് നേരത്തെ മരണപ്പെട്ടിരുന്നു. തുടർന്ന് ഇവർ ഒരുമിച്ചായിരുന്നു താമസം. മണ്ണെണ്ണ  ദേഹത്തൊഴിച്ച് തീപിടിച്ചാണ് മരണപ്പെട്ടത്.

ഇന്ന് ഉച്ചയ്ക്ക് ഒന്നര മണിയോടെ വീടിനുള്ളിൽ നിന്നും പുക വരുന്നത് കണ്ട് സമീപത്തുള്ളവർ നോക്കുമ്പോഴാണ് സംഭവം പുറത്തറിയുന്നത്. ഉടൻതന്നെ ഫയർഫോഴ്സും കല്ലമ്പലം പൊലീസും സ്ഥലത്തെത്തി തീ അണച്ചു. കല്ലമ്പലം പൊലീസ് കേസെടുത്തു അന്വേഷണമാരംഭിച്ചിട്ടുണ്ട്.