തലശേരിയിലെ കടയിൽ നിന്നും പൊലിസ് റെയ്ഡിൽ ഇ സിഗരറ്റ് പിടികൂടി

.

തലശേരി::തലശേരി നഗരത്തിലെ കടയിൽ നിന്നും ഇ സിഗരറ്റ് പിടികൂടി. തലശ്ശേരിയിലെ സൂക്ക് ഡ്യൂട്ടി ഫ്രീ ഷോപ്പിൽ നിന്നാണ് നിരോധിതലഹരി വസ്തു‌ക്കൾ കണ്ടെടുത്തത്.

രണ്ട് ലക്ഷം രൂപയോളം വില വരുന്ന ഇ സിഗററ്റ്, നിക്കോട്ടിൻ ബോട്ടിൽ എന്നീ ലഹരി വസ്തുക്കളാണ് തലശ്ശേരി ടൗൺ പൊലിസ് നടത്തിയ റെയ്ഡിൽ പിടികൂടിയത്. ഓപ്പറേഷൻ തൂഫാൻ പദ്ധതിയുടെ ഭാഗമായാണ് റെയ്ഡ് നടത്തിയത്. സംഭവത്തിൽ കട ഉടമയ്ക്കെതിരെ കേസെടുത്തിട്ടുണ്ട്. രണ്ടാഴ്ച്ച മുൻപ് കണ്ണൂർ നഗരത്തിൽ പൊലിസ് നടത്തിയ റെയ്ഡിലും ഇ സിഗരറ്റ് ശേഖരം പിടികൂടിയിരുന്നു ഇതിന് ശേഷമാണ് മറ്റൊരു സംഭവം കൂടി നടന്നത് വിദ്യാർത്ഥികളെയും യുവാക്കളെയും ലഹരി വലയിൽ വീഴ്ത്തുന്നതിനാണ് ഇ സിഗരറ്റ് ഉപയോഗിക്കുന്നത് വിദ്യാഭ്യാസ സ്ഥാപനങ്ങളുടെ പരിസരത്ത് ഇത്തരം ലഹരി കേന്ദ്രങ്ങൾ പ്രവർത്തിക്കുന്നത് ഭീഷണിയാകുന്നു ണ്ട്. വരും ദിവസങ്ങളിലും നഗരങ്ങളിൽ റെയ്ഡ് ശക്തമാക്കുമെന്ന് പൊലിസ് അറിയിച്ചു.